Besta deild kvenna: Olla Sigga með tvennu í sigri Blika - Fyrsti sigur Þórs/KA

Ólöf Sigríður Kristinsdóttir bætti öðru markinu við þegar hún skoraði með skalla eftir fyrirgjöf frá Sunnu Rún Sigurðardóttir. Ólöf var aftur á ferðinni stuttu síðar þegar hún skoraði aftur með skalla en í þetta sinn eftir sendingu frá Líf.

Olga Sevcova var nálægt því að minnka muninn en átti skot rétt framhjá. Avery Mae Vanderven var síðan hársbreidd frá því að skora en Blikar björguðu á línu.

Nær komust þær ekki og fleiri mörk urðu ekki skoruð. Frábær sigur hjá Blikum sem eru á toppnum með 21 stig, tveimur stigum á undan FH sem á leik til góða. ÍBV er í 4. sæti með 14 stig.

Þór/KA fékk Þrótt í heimsókn. Jelena Tinna Kujundzic var nálægt því að koma gestunum yfir snemma leiks en skallaði framhjá úr dauðafæri.

Þór/KA náði forystunni eftir stundafjórðung þegar María Dögg Jóhannesdóttir skoraði glæsilegt mark þegar hún klippti boltann á lofti.

Um tíu mínútum síðar vann Erin Flurey boltann hátt upp á vellinum, sendi hann út í teiginn og Amalía Árnadóttir skoraði og kom Þór/KA í tveggja marka forystu.

Þróttarar voru nálægt því að setja spennu í leikinn undir lokin þegar Mist Funadóttir átti skot langt fyrir utan teiginn en boltinn fór í slána. Nær komust þær ekki og Þór/KA vann sinn fyrsta sigur í sumar. Þór/KA er í 9. sæti með sex stig en Þróttur er í 5. sæti með 13 stig.

ÍBV 0 - 3 Breiðablik
0-1 Líf Joostdóttir van Bemmel ('8 )
0-2 Ólöf Sigríður Kristinsdóttir ('19 )
0-3 Ólöf Sigríður Kristinsdóttir ('23 )
Lestu um leikinn

Þór/KA 2 - 0 Þróttur R.
1-0 María Dögg Jóhannesdóttir ('16 )
2-0 Amalía Árnadóttir ('25 )
Lestu um leikinn