Lið vikunnar í enska - Jesus og Lukaku fremstir
Brentford gerði markalaust jafntefli gegn Crystal Palace en fjörið var talsvert meira þegar Leeds og Everton skildu jöfn 2-2.
Brighton byrjar á tveimur sigurleikjum en liðið lagði Watford, Sama á við um Tottenham og Chelsea sem unnu Wolves og Arsenal. Manchester United gerði 1-1 jafntefli gegn Southampton og magnað mark Danny Ings hjálpaði Aston Villa að leggja Newcastle 2-0.
Markvörður: David Raya (Brentford) - Átti heimsklassa markvörslu sem tryggði Brentford stig gegn Crystal Palace.
Mynd: Getty Images
Varnarmaður: Trent Alexander-Arnold (Liverpool) - Átti frábæran bolta á Mane sem skoraði annað mark Liverpool.
Mynd: Getty Images
Varnarmaður: Cesar Azpilicueta (Chelsea) - Átti öfluga leiðtogaframmistöðu fyrir Chelsea í sigrinum gegn Arsenal í Lundúnaslagnum.
Mynd: EPA
Varnarmaður: Shane Duffy (Brighton) - Var lánaður til Celtic á síðasta tímabili en er mættur aftur. Öflugur í vörninni og skoraði með byssukúluskalla gegn Watford.
Mynd: Getty Images
Varnarmaður: Reece James (Chelsea) - Stoðsending og svo mark í sigrinum ggn Arsenal.
Mynd: Getty Images
Miðjumaður: Yves Bissouma (Brighton) - Var hreinlega geggjaður í sigrinum gegn Brighton og verður bara betri með hverjum leiknum. Hversu lengi mun Brighton geta haldið honum?
Mynd: Getty Images
Miðjumaður: Jordan Henderson (Liverpool) - Fyrirliðinn stýrði umferðinni frábærlega á miðsvæðinu gegn Burnley.
Mynd: Getty Images
Miðjumaður: Dele Alli (Tottenham) - Skoraði af vítapunktinum, hans fyrsta deildarmark í sautján mánuði.
Mynd: Getty Images
Miðjumaður: Demarai Gray (Everton) - Skoraði sitt fyrsta úrvalsdeildarmark fyrir Everton.
Mynd: Getty Images
Sóknarmaður: Gabriel Jesus (Manchester City) - Skoraði ekki sjálfur en var frábær og átti tvær stoðsendingar.
Mynd: Getty Images
Sóknarmaður: Romelu Lukaku (Chelsea) - Opnaði markareikninginn strax í fyrsta leik. Arsenal réði ekkert við hann.
Mynd: Getty Images
