Jón var á sínum yngri árum leikmaður Hattar. Hér má sjá hann í leik gegn Aftureldingu einmitt.
„Fyrri hálfleikurinn var fínn, við komumst yfir og skoruðum gott mark.Heilt yfir fannst mér við ekki síðri aðilinn í fyrri hálfleik en svo var þetta erfitt í seinni hálfleik," sagði Jón Karlsson bráðabirgðaþjálfari Hattar við Fótbolta.net eftir 1-3 tap heima gegn Aftureldingu í lokaumferð 2. deildar karla.
Lestu um leikinn: Höttur 1 - 3 Afturelding
„Í seinni hálfleik var þetta erfitt, þeir tóku yfir leikinn. Eftir að þeir jafna og komast í 1-2 verður þetta erfitt og 1-3 var þetta farið. Tap sendi okkur í 3. deild og við erum hundfúlir með það."
Jón tók við liðinu þegar 4 leikir voru eftir og þó hann hafi sótt stig dugði það ekki til að bjarga sætinu.
„Nei, það dugði ekki til og 7 stig af fyrstu 9 var fínt. Við vorum í baráttunni og vissum að ef við hefðum unnið í dag þá hefðum við verið uppi og ekki þurft að treysta á neitt annað. Það tókst því miður ekki," sagði Jón sem að lokum bætti við að hann vissi ekki hvort hann verði áfram með liðið.
Athugasemdir
