Adam Bogdan, fyrrum markvörður Liverpool, hefur skrifað undir stuttan samning við Hibernian í Skotlandi - samnignurinn gildir til áramóta.
Hinn 32 ára gamli Bogdan var á láni hjá Hibernian á síðustu leiktíð og stóð sig þar vel.
Samningur hans við Liverpool rann út síðasta sumar. Á tíma sínum hjá Liverpool spilaði Bogdan í heildina sex leiki í öllum keppnum og þar af tvo deildarleiki.
Hann var lánaður til Wigan 2016/17 tímabilið og Hibernian í fyrra.
Hibernian er sem stendur í áttunda sæti skosku úrvalsdeildarinnar.
Athugasemdir