Ísland mætir Rúmeníu í undanúrslitum

Ísland mætir Rúmeníu í undanúrslitum um sæti á EM á næsta ári en þetta varð ljóst nú rétt í þessu þegar dregið var í umspili í Þjóðadeildinni.

Ungverjaland og Búlgaría mætast í hinum undanúrslitaleiknum.

Undanúrslitin fara fram 26. mars og úrslitaleikurinn verður 31. mars. Leikið er til þrautar í báðum leikjum.

Undanúrslitin verða á Laugardalsvelli. Uppfært: Ef Ísland kemst í úrslit verður leikið á útivelli, í Ungverjalandi eða Búlgaríu.