Guimaraes, Isak, Kimmich, Diaz, Branthwaite, Mainoo og fleiri góðir í slúðri dagsins
   þri 23. febrúar 2021 18:20
Aksentije Milisic
Heimild: Austurfréttir 
Byggja íbúðir yfir völlinn á Seyðisfirði
Huginn fagnar sæti í 1. deild árið 2015.
Huginn fagnar sæti í 1. deild árið 2015.
Mynd: Fótbolti.net - Hanna Símonar
Ákveðið hefur verið að byggja íbúðir yfir völlinn á Seyðisfirði en þetta kom í ljós í gær á íbúafundi fyrir Seyðisfirðinga.

Á vef Austurfrétta kemur það fram að Hugrún Hjálmarsdóttir, framkvæmda- og umhverfisstjóra Múlaþings, hafi tilkynnt það að 36 íbúðir verða byggðar þar sem knattspyrnuvöllur Seyðisfirðinga er nú.

„Þá er horft til þess að byggja 36 íbúðir þar sem knattspyrnuvöllur Seyðfirðinga, Garðarsvöllur, er í dag. Völlurinn hefur verið svo gott sem ónothæfur síðustu ár og hugmyndir um enduruppbyggingu hans hafa ekki náð fram að ganga. Með þessum hugmyndum er útlit fyrir að hann heyri fljótt sögunni til," segir á heimasíðu Austurfrétta.

„Gert er ráð fyrir að tvær götur þveri völlinn og gæti önnur þeirra verið nefnd eftir íþróttafélaginu Huginn. Á innri enda vallarins er gert ráð fyrir að byggja íbúðakjarna með átta íbúðum, sem verið hefur til skoðunar síðustu mánuði. Hann er ætlaður íbúum 55 ára og eldri og er byggður með framlagi frá ríkinu."
Athugasemdir
banner
banner
banner
banner