Hinn ungi og efnilegi Kristian Nökkvi Hlynsson hefur framlengt samning sinn við hollenska stórliðið Ajax.
Kristian gekk í raðir Ajax frá Breiðablik í janúar á síðasta ári en þá skrifaði hann undir tveggja og hálfs árs samning við félagið. Nú hefur hann framlengt samning sinn til ársins 2023.
Kristian hefur spilað með u17 ára liði Ajax og Jong Ajax, sem er varalið liðsins. Fyrr á þessu árið var Kristian kallaður upp á æfingu hjá aðalliðinu og verður gaman að fylgjast með þessum spennandi leikmanni í framtíðinni.
Kristian, sem er sextán ára gamall, er yngsti leikmaður (þá 15 ára og 248 daga gamall) í sögu Breiðabliks til þess að spila leik í efstu deild karla.
Kristian Hlynsson (2004) has renewed his contract with Ajax until 2023. Congrats 🇮🇸⭐️👌 pic.twitter.com/80CWX4lMVT
— Magnus Agnar Magnusson (@totalfl) February 23, 2021
Athugasemdir