Lengjubikar kvenna: Haukar byrja af krafti

Haukar léku annan leik sinn í Lengjubikarnum í gærkvöldi þegar liðið fékk ÍR í heimsókn í riðli 2 í C deild.

Þetta var fjórði leikur ÍR í mótinu en liðið hafði unnið einn og tapað tveimur þegar kom að þessum leik. Haukar voru með 2-0 forystu í hálfleik en Ana Catarina Da Costa Bral skoraði bæði mörkin.

Eftir tæplega klukkutíma leik var Anja Ísis Brown fyrir því óláni að skora sjálfsmark og Ana Catarina gerði svo endanlega út um leikinn með þriðja marki sínu og fjórða marki Hauka.

ÍR hefur lokið leik en Haukar mæta Völsungi í næstu umferð og enda svo á leik gegn Einherja. Stöðuna í riðlinum má skoða hér fyrir neðan.