Stuðningurinn hefur mjög mikla þýðingu og vonandi er fólk að klikka með músinni og bóka þessar ferðir út, því við þurfum á því að halda.
Ég er búinn að gera það í mörg ár, að fara á stórmót er mikill draumur sem ég vonandi fæ uppfylltan
Ég tók því rólega á dag á æfingu, en svo bara byrjar þetta aftur á morgun
Guðlaugur Victor Pálsson ræddi við íslenska fjölmiðlamenn á hóteli landsliðsins í Búdapest í dag. Tveir dagar eru frá sigrinum gegn Ísrael og þrír dagar eru í úrslitaleikinn gegn Úkraínu um sæti á EM í sumar.
Sigur í Wroclaw í Póllandi á þriðjudag og þá mun Ísland spila í Þýskalandi í sumar!
Sigur í Wroclaw í Póllandi á þriðjudag og þá mun Ísland spila í Þýskalandi í sumar!
„Þetta leggst mjög vel í mig, þetta er búið að vera mjög skemmtilegt frá því að við komum saman og ennþá skemmtilegra eftir leikinn. Það er mikil jákvæðni og mikil einbeiting. Aðstæðurnar eru frábærar og mikil tilhlökkun," segir Gulli.
Hann var spurður hvort hann væri búinn að ímynda sér það hvernig það væri að fagna sæti á EM með íslenska landsliðinu. Hans fyrsti landsleikir kom árið 2014 og á hann að baki 43 landsleiki. Hann hefur hins vegar ekki farið með landsliðinu á stórmót.
„Ég er búinn að gera það í mörg ár, að fara á stórmót er mikill draumur sem ég vonandi fæ uppfylltan."
Miklu betra lið en Ísrael
Gulli segir að liðið muni kynna sér andstæðinginn betur í kvöld.
„En maður þekkir náttúrulega liðið og einstaklingana í liðinu. Þetta er náttúrulega miklu betra lið en það sem við vorum að mæta núna. Þetta verður mjög erfitt en ef við verðum upp á tíu í öllu okkar þá sé ég ekki hvernig við ættum ekki að geta unnið þá."
Vonandi er fólk að klikka með músinni og bóka sig til Póllands
Hvernig var að fá stuðninginn sem liðið fékk gegn Ísrael?
„Það var skemmtilegt, mjög gaman. Vonandi fáum við sem flesta til Póllands. Stuðningurinn hefur mjög mikla þýðingu og vonandi er fólk að klikka með músinni og bóka þessar ferðir út, því við þurfum á því að halda."
Vinnur þér inn fyrir heppni
Ef horft er til baka á leikinn gegn Ísrael, hvernig lítur hann út?
„Mér fannst þetta allt í lagi, var ekki frábært en ekki slæmt. Á ákveðnum augnablikum sýndum við mjög skemmtilegan fótbolta, spiluðum vel. Við vörðumst mjög vel, vorum vel einbeittir og það voru allir að leggja 100% á sig. Við vorum heppnir, en á meðan menn vinna vinnuna þá vinnur maður líka inn fyrir heppninni."
Tók því rólega á æfingu
Gulli lék allan leikinn á fimmtudagskvöldið en æfði ekki með liðinu í dag.
„Staðan á mér er bara fín. Ég tók því rólega á dag á æfingu, en svo bara byrjar þetta aftur á morgun," segir Gulli sem er bjartsýnn á að spila gegn Úkraínu.
Erfitt tímabil í Belgíu
Í lok viðtals var Gulli spurður út í tímablið með Eupen í Belgíu. Liðið er á leið í fallumspil sem hefst eftir landsleikjahlé. Gulli er í lykilhlutverki í liðinu, hefur byrjað alla leiki og alltaf nema einu sinni leikið 90 mínútur.
„Tímabilið hefur verið mjög erfitt, við erum á leiðinni í fallumspil efir þetta verkefni. Þetta er búið að vera mjög erfitt, þjálfarinn hætti um daginn og mikil óvissa. Ég er með fulla einbeitingu á verkefnið hér og svo kemur þetta umspil."
Athugasemdir
