Stýrir ekki Wales á EM.
Ryan Giggs mun ekki stýra karlalandsliði Wales á EM í sumar. Þetta var staðfest í dag eftir að hann var ákærður fyrir að ráðast á tvær konur.
Giggs var settur í leyfi sem landsliðsþjálfari í nóvember á síðasta ári eftir að hann var sakaður um að hafa ráðist á þáverandi kærustu sína Kate Greville, og aðra konu.
Giggs var handtekinn og síðar sleppt úr haldi en hann hefur núna verið ákærður. Hann neitaði sök í málinu þegar hann var handtekinn.
Hann mun mæta fyrir dóm í næstu viku, nánar tiltekið þann 28. apríl næstkomandi.
Robert Page mun stýra Wales á mótinu í sumar og aðstoðarþjálfari hans verður Albert Stuivenberg, sem er í þjálfarateymi Mikel Arteta hjá Arsenal. Page er fyrrum U21 landsliðsþjálfari Wales og starfaði hann sem aðstoðarþjálfari Giggs með Wales frá 2019.
Rob Page.
Athugasemdir
