Elfar Árni Aðalsteinsson skoraði annað sigurmark sitt gegn Stjörnunni á Samsung vellinum í sumar þegar hann tryggði liðinu dramatískan sigur í 32-liða úrslitum Mjólkurbikarsins.
Elfar Árni kann vel við sig í Garðabænum.
Elfar Árni kann vel við sig í Garðabænum.
Lestu um leikinn: Stjarnan 1 - 2 KA
„Ég held að þetta sé sá völlur sem ég hef skorað mest á. Ég var í Breiðabliki á sínum tíma og það var ekki mikill vinskapur milli þessara liða, síðan þá hef ég alltaf haft gaman að því að skora á móti Stjörnunni," segir Elfar.
„Ég sá þetta ekki, Haraldur var fyrir svo ég sá þetta ekki alveg en þetta var allavega tæpt. Við ætlum okkur í úrslit í þessari keppni."
KA hefur gengið vel í sumar og Elfar Árni, sem missti af öllu tímabilinu í fyrra vegna erfiðra meiðsla, segir það ljúft að vera kominn aftur á fulla ferð.
„Það er virkilega gaman fyrir mig persónulega að vera kominn inn í þetta aftur," segir Elfar en viðtalið er í heild í sjónvarpinu hér að ofan.
Athugasemdir