Zidane Iqbal farinn frá Man Utd (Staðfest)

Iqbal er efnilegur sóknartengiliður sem gerði nýjan samning við Man Utd í fyrra en tókst ekki að hrífa Erik ten Hag og þjálfarateymi hans. Honum hefur því verið hleypt burt frá félaginu.

Fjölmiðlar eru sammála um að leikmaðurinn sé á leið til FC Utrecht í Hollandi en óljóst er hvort hollenska félagið þarf að borga eitthvað fyrir.

Hæsta kaupverð sem er nefnt er ein milljón punda en miklar líkur eru á því að Man Utd fái nokkuð háa prósentutölu af hagnaðinum þegar Iqbal verður seldur frá Utrecht. 

Iqbal er 20 ára gamall og á þrjá landsleiki að baki fyrir Írak. Hann er fæddur og uppalinn í Manchester.