Reynir Sandgerði tók á móti KF í lokaleik dagsins í 2. deild karla og tóku heimamenn forystuna snemma leiks.

Sindri Þór Guðmundsson, sem á 87 leiki að baki í efstu deild með Keflavík, skoraði á sjöundu mínútu og leiddu Sandgerðingar allt þar til á lokamínútunum.

Þá var það Francisco Eduardo Cruz Lemaur sem jafnaði metin með marki á 86. mínútu.

Lokatölur urðu 1-1 og er KF áfram á botni deildarinnar með 4 stig úr 8 leikjum. Reynir er einnig í fallsæti, með 5 stig - einu stigi frá KFG í öruggu sæti.