Pep Guardiola
Pep Guardiola, stjóri Manchester City, segir að hans gamla félag, Bayern München, sé að eiga frábæran glugga í sumar og hafi fengið sterka menn inn þrátt fyrir að hafa misst Robert Lewandowski.
Bayern hefur fengið Sadio Mané, Matthijs de Ligt, Ryan Gravenberch og Noussair Mazraoui í sumar en misst markavélina Lewandowski til Börsunga.
Guardiola hefur ekki miklar áhyggjur af Bayern og segir að hjarta félagsins sé enn til staðar.
„Lewy var mikilvægur leikmaður en hjarta liðsins er enn til staðar í þeim Neuer, Kimmich og Müller. Félagið hefur gert frábær kaup í sumar," sagði Guardiola.
„Þegar félög eins og Barcelona, Bayern og Real Madrid hringja þá vilja allir leikmenn fara þangað. Önnur félög þurfa að borga meiri pening," sagði Guardiola ennfremur.
Athugasemdir
