Katrín er 33 ára gömul og uppalin í KR en hún spilaði sinn fyrsta deildarleik fyrir félagið árið 2001.

Hún hefur einnig leikið með félögum á borð við Liverpool, Doncaster, Kristianstad og Orange CW. Hún hefur þá spilað 69 A-landsleiki og skorað 10 mörk í þeim.

Katrín tekur við keflinu sem aðstoðarþjálfari KR-inga og mun því starfa við hlið Jóhannesar Karls Sigursteinssonar á komandi leiktíð.

KR lenti í neðsta sæti Pepsi Max-deildarinnar á síðasta tímabili og mun því spila í Lengjudeildinni á komandi tímabili.