Malen, Maguire, Rashford, Greenwood, Yoro, Eriksen og fleiri góðir í slúðri dagsins
banner
   sun 24. janúar 2021 16:05
Ívan Guðjón Baldursson
Byrjunarlið Man Utd og Liverpool: Mane og Fernandes á bekknum
Mynd: Getty Images
Mynd: Getty Images
Manchester United og Liverpool eigast við í annað sinn á einni viku er þau kljást í enska bikarnum í dag.

Liðin gerðu markalaust jafntefli í ensku úrvalsdeildinni fyrir viku og verður áhugavert að sjá hvernig leikurinn spilast í dag.

Báðir stjórarnir gera breytingar á byrjunarliðunum sem skildu jöfn fyrir viku.

Ole Gunnar Solskjær gerir fjórar breytingar frá jafnteflinu. Donny van de Beek kemur inn á miðjuna fyrir Fred og þá detta Bruno Fernandes og Anthony Martial á bekkinn rétt eins og David de Gea.

Jürgen Klopp gerir þrjár breytingar frá jafnteflinu markalausa þar sem Rhys Williams tekur sér stöðu við hlið Fabinho í hjarta varnarinnar.

Þá byrjar Curtis Jones í sóknarlínunni í stað Sadio Mane sem er á bekknum og James Milner fær sæti á miðjunni á meðan Xherdan Shaqiri byrjar á bekknum.

Man Utd: Henderson, Wan-Bissaka, Lindelöf, Maguire, Shaw, Van de Beek, McTominay, Pogba, Rashford, Greenwood, Cavani.
Varamenn: De Gea, Telles, Tuanzebe, Fernandes, Fred, James, Mata, Matic, Martial

Liverpool: Alisson; Alexander-Arnold, R Williams, Fabinho, Robertson; Milner, Thiago, Wijnaldum; Salah, Firmino, Jones.
Varamenn: Kelleher, Mane, Oxlade-Chamberlain, Minamino, Tsimikas, Shaqiri, Origi, Phillips, N Williams.
Athugasemdir
banner
banner
banner
banner