Hver tekur við af Klopp? - Dani Olmo orðaður við Man Utd - Greenwood í skiptum fyrir Gleison Bremer
banner
   mið 24. apríl 2019 10:00
Arnar Daði Arnarsson
Þórhallur Víkings: Verðum með betra lið í sumar heldur en í fyrra
Þórhallur.
Þórhallur.
Mynd: Fótbolti.net - Hafliði Breiðfjörð
Mynd: HK/Víkingur Facebook
HK/Víkingur er spáð neðsta sæti í Pepsi Max-deild kvenna í spá Fótbolta.net fyrir sumarið.

Þórhallur Víkingsson þjálfari HK/Víkings segir spánna koma sér lítið á óvart en liðinu var einnig spáð falli í fyrra sem nýliðar en komu mörgum á óvart í fyrra og héldu sér uppi.

„Í sjálfu sér kemur spáin mér ekki á óvart ef litið er á úrslit í þeim mótum sem hafa verið á undirbúingstímabilinu. Við höfum átt okkar móment en ekki náð úrslitum," sagði Þórhallur

„Það eru nokkrar breytingar á hópnum frá því í fyrra. Við höfum misst góða leikmenn en einnig fengið góða leikmenn. Ég er ánægður með þróunina á liðinu og tel að við verðum með betra lið í sumar en í fyrra," sagði Þórhallur sem er ekki hættur á leikmannamarkaðnum.

„Ég reikna með því að við fáum fleiri leikmenn til okkar áður en tímabilið hefst."

„Ég er mjög spenntur fyrir sumrinu og miðað við þessa spá eigum við að geta komið á óvart. Ég tel að deildin verði jafnari frá sæti fjögur til tíu og það verði margir jafnir og spennandi leikir í sumar. Við ætlum að njóta þess að spila í deild þeirra bestu og verðum tilbúin þegar mótið byrjar í maí," sagði Þórhallur sem segir markmið liðsins að ná stöðugleika í efstu deild og gera betur en í fyrra.
Athugasemdir
banner
banner
banner