Emmanuel Eli Keke var fyrirliði Víkings Ó í dag þegar liðið slátraði Gullfálkanum í Mjólkurbikarnum.
Leiknum lauk með 18-0 sigri Víkings og er þetta stærsti sigur liðsins frá upphafi.
„Þetta er gott fyrir liðið, við mættum í þennan leik með einbeitinguna í lagi og við sýndum fagmannlega frammistöðu. Við vanmetum ekkert lið og tilfinningin eftir leikinn er góð," sagði Keke.
Keke er núna á sínu fjórða tímabili með liðinu.
„Ég er mjög þakklátur. Strákarnir stóðu sig mjög vel og ég sagði þeim fyrir leik að við ættum að mæta á fullu í þennan leik. Við gerðum það og þetta var gott hjá liðinu."
Nánar er rætt við Keke í spilaranum hér fyrir ofan.
Athugasemdir