„Við byrjuðum vel, komumst snemma yfir og mér fannst við hafa tök á leiknum," sagði Nökkvi Þeyr besti maður vallarins eftir leik KA og Leiknis á Greifavellinum í dag.
Lestu um leikinn: KA 6 - 0 Leiknir R.
Sólon Breki Leifsson og Brynjar Hlöðversson í liði Leiknis voru reknir af velli eftir 30 mínútna leik.
„Þeir missa tvo menn út af sem að breyti svolítið leiknum. Það var svolítið skrítið að spila hann tveimur mönnum fleiri."
KA skoraði 6 mörk í leiknum.
„Maður má ekki gleyma sér þegar leikurinn er svona af því að þótt þeir séu tveimur mönnum færri, geta þeir alveg skorað og við misst þetta. Við höndluðum þetta nokkuð vel, vorum rólegir. Héldum boltanum og vorum að reyna að finna svæðin."
Nökkvi skoraði tvö mörk og átti tvær stoðsendingar.
„Ég er allur að koma til. Mér leið vel í dag. Ég náði að setja inn tvö mörk og hefði átt að setja þriðja en það var þúfa á vellinum, kennum því um en já ég er í toppformi."
KA á útileik gegn Stjörnunni í næsta leik.
„Stjarnan er mjög gott lið og við þurfum að hafa okkur alla við til að vinna. Þetta er bara verkefni sem ég hlakka til að takast á við og vonandi tökum við þrjú stig. Við förum í alla leiki til að vinna."
Viðtalið má sjá í heild sinni hér að ofan.
Athugasemdir
