Kylian Mbappe þarf að fylgja eigin hjarta að sögn miðjumannsins Georginio Wijnaldum sem kom til Paris Saint-Germain í sumar.
Það er óljóst hvort Mbappe spili mikið lengur með PSG en hann verður samningslaus á næsta ári.
PSG hefur enn ekki náð að framlengja samning leikmannsins sem er talinn vera einn sá besti í heimi.
Wijnaldum kom sjálfur til PSG í sumar en hann kom á frjálsri sölu frá Liverpool.
„Allir vilja sjá Mbappe spila hér áfram og þá fyrst og fremst ég - hann er ein af ástæðunum af hverju ég kom til PSG," sagði Wijnaldum.
„Ég var nú þegar ánægður að sjá framlengingu Neymar. Ég hef verið í þessari stöðu og þú þarft að fylgja hjartanu."
„Ég vona að hann vilji vera hjá PSG því félagið er að gera allt til að verða það besta í heimi."
Athugasemdir