24.08.26 - 10:22

Sæbjörn Þór Þórbergsson Steinke

Vatnhamarinn í miklum gír eftir kveðjuleikinn í Víkinni

Myndir og myndband

Kallaði til stuðningsmanna Víkings.

Mynd: Fótbolti.net - Hafliði Breiðfjörð

Kyssti merkið þegar hann fór af velli.

Mynd: Fótbolti.net - Hafliði Breiðfjörð

Vatnhamarinn í miklum gír eftir kveðjuleikinn í Víkinni

Mynd: Fótbolti.net - Hafliði Breiðfjörð

Kallaði til stuðningsmanna Víkings.

Mynd: Fótbolti.net - Hafliði Breiðfjörð

Gunnar Vatnhamar lék sinn síðasta leik á Víkingsvelli í gær en hann er á förum til danska félagsins Vejle í lok mánaðar. Færeyski landsliðsmaðurinn gekk í raðir Reykjavíkur Víkinga vorið 2023 og hefur verið frábær eftir að hafa komið frá Víkingi Götu í Færeyjum.

Gunnar fékk heiðursskiptingu undir lok leiks gegn Vals í gær og eftir leik tók hann í gjallarhornið og öskraði 'Rauðir' á stuðningsmenn Víkinga sem svöruðu með 'Svartir'.

TENGT EFNI23.08.26 - 23:07

Gunnar Vatnhamar kveður Víkina: Vonandi verður þetta ár alveg jafn gott

Gunnar var í liði ársins hér á Fótbolti.net 2023-25. Hefur tvívegis orðið Íslandsmeistari og einu sinni bikarmeistari. Hann vonast til að kveðja Víkinga með því að ná sæti í Sambandsdeildinni en til þess að það gerist þurfa Víkingar að vinna upp tveggja marka forskot Borac Banja Luka í Bosníu á fimmtudag.

„Hann á það skilið að fá eina heiðursskiptingu hérna fyrir allt það sem hann hefur gert fyrir Víkinga. Hann kom hérna frá Færeyjum og hefur heldur betur sett mark sitt á sögu Víkings núna. Ég held að verðlaunin og bikararnir sem að hann hefur unnið frá því að hann kom tali sínu máli og auk þess er þetta frábær einstaklingur, frábær persóna sem að verður mjög erfitt að segja bless við," sagði Sölvi Geir Ottesen, þjálfari Víkings, um Gunnar eftir leikinn.

„Já, þetta er minn síðasti leikur og þetta er búið að vera frábært. En nú látum við okkur hlakka til leiksins gegn Borac og við viljum vinna þann leik, meira en 2-0 svo við förum áfram. Ég er mjög ánægður, við höfum farið í gegnum hæðir og lægðir. Eftir þrjú ár, mér finnst við hafa átt góð þrjú ár og vonandi verður þetta ár alveg jafn got Ég mun koma aftur, en ég veit ekki hvort ég verði enn spilandi þá, aldrei að segja aldrei í fótbolta," sagði Gunnar sjálfur eftir leikinn.

„Frábær náungi og geðveikur leikmaður. Hans verður sárt saknað og vonandi gengur honum vel úti," sagði Valdimar Þór Ingimundarson við Fótbolta.net.

Hafliði Breiðfjörð var í Víkinni í gær og tók meðfylgjandi myndir.

View this post on Instagram

A post shared by Víkingur Fótbolti (@vikingurfc)

Kyssti merkið þegar hann fór af velli.

Mynd: Fótbolti.net - Hafliði Breiðfjörð