Ítalíumeistarar Napoli heimsóttu Bologna í ítalska boltanum í dag en þeim tókst ekki að sigra á útivelli.
Napoli var sterkari aðilinn í fyrri hálfleik en leikurinn jafnaðist út í þeim síðari. Victor Osimhen fékk besta færi leiksins á 72. mínútu þegar hann var sendur á vítapunktinn en honum brást bogalistin og setti hann boltann framhjá markinu.
Bologna vildi fá vítaspyrnu seint í uppbótartíma þegar boltinn fór í hendi Zambo Anguissa innan vítateigs en dómarinn dæmdi ekki og ákvað VAR-teymið ekki að skerast inn í leikinn. Lokatölur urðu því 0-0 og er Napoli með átta stig eftir fimm umferðir á nýju deildartímabili. Bologna er með sex stig.
Ademola Lookman og Mario Pasalic skoruðu þá mörkin í 2-0 sigri Atalanta gegn lærisveinum Claudio Ranieri sem kíktu í heimsókn frá Cagliari.
Atalanta verðskuldaði sigurinn og er með níu stig eftir fimm umferðir. Nýliðar Cagliari eru aðeins með tvö stig.
Giacomo Bonaventura var að lokum hetjan í sigri Fiorentina á útivelli gegn Udinese. Hann gaf stoðsendingu á Lucas Martinez Quarta í fyrri hálfleik og innsiglaði svo sigurinn með dramatísku marki í uppbótartíma.
Heimamenn í Udinese voru talsvert sterkari aðilinn í leiknum en þeim tókst einfaldlega ekki að skora þrátt fyrir urmul færa.
Roma heimsækir Torino í lokaleik dagsins í ítalska boltanum.
Bologna 0 - 0 Napoli
Atalanta 2 - 0 Cagliari
1-0 Ademola Lookman ('33)
2-0 Mario Pasalic ('76)
Udinese 0 - 2 Fiorentina
0-1 Lucas Martinez Quarta ('32)
0-2 Giacomo Bonaventura ('93)
Ítalía
Serie A - karlar
| L | U | J | T | ms: | mf: | mun | Stig | ||
|---|---|---|---|---|---|---|---|---|---|
| 1 | Napoli | 10 | 7 | 1 | 2 | 16 | 8 | +8 | 22 |
| 2 | Inter | 10 | 7 | 0 | 3 | 24 | 12 | +12 | 21 |
| 3 | Milan | 10 | 6 | 3 | 1 | 15 | 7 | +8 | 21 |
| 4 | Roma | 10 | 7 | 0 | 3 | 10 | 5 | +5 | 21 |
| 5 | Bologna | 10 | 5 | 3 | 2 | 16 | 8 | +8 | 18 |
| 6 | Juventus | 10 | 5 | 3 | 2 | 14 | 10 | +4 | 18 |
| 7 | Como | 10 | 4 | 5 | 1 | 12 | 6 | +6 | 17 |
| 8 | Lazio | 10 | 4 | 3 | 3 | 13 | 7 | +6 | 15 |
| 9 | Cremonese | 11 | 3 | 6 | 2 | 12 | 12 | 0 | 15 |
| 10 | Udinese | 10 | 4 | 3 | 3 | 12 | 15 | -3 | 15 |
| 11 | Atalanta | 10 | 2 | 7 | 1 | 13 | 8 | +5 | 13 |
| 12 | Sassuolo | 10 | 4 | 1 | 5 | 11 | 12 | -1 | 13 |
| 13 | Torino | 10 | 3 | 4 | 3 | 10 | 16 | -6 | 13 |
| 14 | Cagliari | 10 | 2 | 3 | 5 | 9 | 14 | -5 | 9 |
| 15 | Lecce | 10 | 2 | 3 | 5 | 8 | 14 | -6 | 9 |
| 16 | Parma | 10 | 1 | 4 | 5 | 5 | 12 | -7 | 7 |
| 17 | Pisa | 11 | 0 | 7 | 4 | 7 | 14 | -7 | 7 |
| 18 | Genoa | 10 | 1 | 3 | 6 | 6 | 14 | -8 | 6 |
| 19 | Verona | 10 | 0 | 5 | 5 | 6 | 16 | -10 | 5 |
| 20 | Fiorentina | 10 | 0 | 4 | 6 | 7 | 16 | -9 | 4 |
