Achraf Hakimi skoraði stórglæsilegt aukaspyrnumark og tryggði Marokkó 2-1 sigur á Malaví í 16-liða úrslitum Afríkukeppninnar í kvöld en þetta var annað aukaspyrnumark hans í keppninni.
Hann skoraði eftirminnilega í síðustu umferð riðlakeppninnar og tryggði Marokkó efsta sætið í 2-2 jafntefli gegn Gabon og fylgdi svo á eftir með frábæru marki í kvöld.
Hakimi skoraði á 70. mínútu. Hann stillti boltanum af um það bil 30 metra færi og þrumaði boltanum í samskeytin hægra megin.
Kylian Mbappe, samherji hans hjá Paris Saint-Germain, var greinilega að horfa því hann hrósaði Hakimi í hástert.
„ACHRAF HAKIMI. BESTI HÆGRI BAKVÖRÐUR Í HEIMI. GÓÐA NÓTT ALLIR," skrifaði Mbappe með hástöfum. Markið má sjá hér fyrir neðan.
Markið hjá Hakimi
ACHRAF HAKIMI.
— Kylian Mbappé (@KMbappe) January 25, 2022
BEST RB IN THE WORLD.
GOOD NIGHT GUYS. 👋🏽
Athugasemdir