Aco er 41 árs gamall en hann á að baki 166 leiki í meistaraflokki á Íslandi og flestir af þeim eru með Ægi á Þorlákshöfn. Hann var á Þorlákshöfn frá árinu 2011 til 2021. Hann stýrði Kormáki/Hvöt í 3. deildinni síðasta sumar og þar endaði Kormákur/Hvöt í níunda sæti deildarinnar, þremur stigum frá fallsæti.

Degi seinna tilkynnti svo félagið að Ingvi Rafn Ingvarsson hefði verið ráðinn út tímabilið. Ingvi þjálfaði einnig liðið tímabilið 2021 þegar liðið fór upp úr 4. deildinni.

„Meistaraflokksráð Kormáks Hvatar hefur ráðið Ingva Rafn Ingvarsson sem þjálfara félagsins út leiktímabilið. Ingvi þekkir liðið inn og út, hefur leikið með því í 10 ár og skorað fullt af mörkum. Ingvi hefur áður þjálfað liðið, árið 2021 þegar við enduðum í öðru sæti 4. deildar og komumst upp í þá þriðju í fyrsta sinn," sagði í fréttinni.

Kormákur/Hvöt er í níunda sæti deildarinnar með einn sigur eftir þrjá leiki, sá sigur kom gegn ÍH í fyrstu umferðinni. Næsti leikur liðsins er gegn KFS í Vestmannaeyjum á laugardag.

4. umferð deildarinnar:
fimmtudagur 25. maí
19:15 Elliði-Kári (Würth völlurinn)
19:15 Víðir-Reynir S. (Nesfisk-völlurinn)
19:15 ÍH-Árbær (Skessan)
19:15 Ýmir-Hvíti riddarinn (Kórinn)

laugardagur 27. maí
14:00 KFS-Kormákur/Hvöt (Týsvöllur)
16:00 Augnablik-Magni (Fífan)