Sean Dyche, stjóri Everton, hefur staðfest að sóknarmaðurinn Dominic Calvert-Lewin missi af lokaumferð ensku úrvalsdeildarinnar vegna meiðsla.

Everton, Leicester og Leeds eru í fallhættu fyrir lokaumferðina sem fram fer á sunnudag.

Everton er eina liðið sem er með örlögin í sínum höndum og þarf ekki að treysta á önnur úrslit. Ef liðið vinnur Bournemouth heldur það sæti sínu í deild þeirra bestu.

Ef sá leikur endar með jafntefli eða tapi Everton þá opnar það möguleika fyrir Leeds og Leicester.