26.06.20 - 12:48
Elvar Geir Magnússon
Tilkynning Breiðabliks: Hún fór í einu og öllu að fyrirmælum yfirvalda
Mynd sem var tekin fyrir leik Breiðabliks og KR.
Mynd: Fótbolti.net - Hafliði Breiðfjörð
Mynd sem var tekin fyrir leik Breiðabliks og KR.
Mynd: Fótbolti.net - Hafliði Breiðfjörð
Breiðablik vinnur náið með Almannavörnum og KSÍ eftir að leikmaður í kvennaliði félagsins <a href="https://fotbolti.net/news/25-06-2020/islandsmotid-i-uppnami-leikmadur-breidabliks-greind-med-covid-19" target="_blank">greindist með kórónaveiruna</a>. Áætlað er að yfir 200 manns þurfi að fara í sóttkví.
Breiðablik hefur sent frá sér yfirlýsingu sem sjá má hér að neðan.
Breiðablik hefur sent frá sér yfirlýsingu sem sjá má hér að neðan.
Fréttatilkynning frá Knattspyrnudeild Breiðabliks
Eins og fram hefur komið í fréttum hefur leikmaður Breiðabliks greinst með Covid-19 og hafa Almannavarnir og KSÍ þegar brugðist við, m.a. með frestun leikja og fyrirmælum um sóttkví leikmanna. Breiðablik vinnur náið með Almannavörnum og KSÍ og mun kappkosta að koma frekari upplýsingum á framfæri um leið og þær liggja fyrir.
Breiðablik hefur á undangengnum vikum lagt sig fram við að fara í einu og öllu eftir fyrirmælum sóttvarnaryfirvalda varðandi nálægð, sóttvarnarhólf og fleira í öllu starfi félagsins. Félagið undirstrikar að leikmaðurinn sem um ræðir fór í einu og öllu að fyrirmælum yfirvalda. Nú vinna allir hluteigandi með yfirvöldum við að greina stöðuna og bregðast við.
Breiðablik mun að sjálfsögðu fylgja áfram fyrirmælum Almannavarna í einu og öllu og kappkosta að gera allt sem í sínu valdi stendur til að framfylgja þeim og grípa til allra nauðsynlegra ráðstafanna til að tryggja eins og kostur er öryggi okkar iðkenda, starfsfólks og annarra.
Félagið vill minna alla á að hafa í huga og fara eftir tilmælum yfirvalda um hreinlæti, handþvott og nálægð milli fólks og ítrekar að upplýsingum verður komið á framfæri þegar þær liggja fyrir.
Eins og fram hefur komið í fréttum hefur leikmaður Breiðabliks greinst með Covid-19 og hafa Almannavarnir og KSÍ þegar brugðist við, m.a. með frestun leikja og fyrirmælum um sóttkví leikmanna. Breiðablik vinnur náið með Almannavörnum og KSÍ og mun kappkosta að koma frekari upplýsingum á framfæri um leið og þær liggja fyrir.
Breiðablik hefur á undangengnum vikum lagt sig fram við að fara í einu og öllu eftir fyrirmælum sóttvarnaryfirvalda varðandi nálægð, sóttvarnarhólf og fleira í öllu starfi félagsins. Félagið undirstrikar að leikmaðurinn sem um ræðir fór í einu og öllu að fyrirmælum yfirvalda. Nú vinna allir hluteigandi með yfirvöldum við að greina stöðuna og bregðast við.
Breiðablik mun að sjálfsögðu fylgja áfram fyrirmælum Almannavarna í einu og öllu og kappkosta að gera allt sem í sínu valdi stendur til að framfylgja þeim og grípa til allra nauðsynlegra ráðstafanna til að tryggja eins og kostur er öryggi okkar iðkenda, starfsfólks og annarra.
Félagið vill minna alla á að hafa í huga og fara eftir tilmælum yfirvalda um hreinlæti, handþvott og nálægð milli fólks og ítrekar að upplýsingum verður komið á framfæri þegar þær liggja fyrir.
