Evrópudeildarmeistarar Eintracht Frankfurt eru búnir að festa kaup á Lucas Alario, sóknarmanni Bayer Leverkusen.
Alario er 29 ára gamall og hefur skorað 58 mörk í 164 leikjum á fimm árum hjá Leverkusen auk þess að hafa gert 3 mörk í 9 landsleikjum fyrir Argentínu.
Hann mun bætast við skemmtilega sóknarlínu Frankfurt og leiða hana ásamt Rafael Santos Borré.
Frankfurt virkjaði ákvæði í samningi Alario og borgar 6,5 milljónir evra fyrir sóknarmanninn sem skoraði 6 mörk í 27 deildarleikjum á síðustu leiktíð.
Athugasemdir
