Jeppe: Gott að spila með alvöru framherja

„Ég er mjög glaður, loksins unnum við heimaleik. Við áttum skilið að vinna ÍA og við áttum skilið að vinna í dag.\"

„Við stóðum okkur mjög vel í dag, við sköpuðum mörg færi sem er búið að vera vandamál hjá okkur í síðustu tíu leikjum.\"

Jeppe er mjög ánægður með framlag Ólafs Karls Finsen og Guðjóns Baldvinssonar.

„Óli Kalli er búinn að vera sjóðheitur og við Guðjón gerum hvorn annan betri. Það er gott að spila með alvöru framherja sem kemur með hlaup sem ég þekki.\"

Jeppe hefði með smá heppni skorað þrennu í dag.

„Ég hefði kannski átt að skora eitt í viðbót, ég reyndi, en ekki í dag.\"

Jeppe er sérstaklega ánægður með að loksins vinna heimaleik.

„Við fáum mjög góðan stuðning, sérstaklega á heimavelli, við hefðum átt að sigra hér fyrr. Við vorum mikið betri gegn ÍA en þetta tókst loksins í dag.\"

„Við náðum seinna markinu sem var mikilvægt. Við spiluðum svipaðan leik og gegn ÍA en okkur leið vel eftir annað markið,\" sagði daninn geðþekki að lokum.

Viðtalið má sjá í sjónvarpinu hér að ofan.