Þýskaland: Fyrsta stig Darmstadt kom gegn Regensburg

Guðlaugur Victor Pálsson spilaði allan leikinn er Darmstadt náði í sitt fyrsta stig á nýju tímabili í þýsku B-deildinni.

Guðlaugur Victor og félagar tóku á móti Regensburg í afar fjörugum leik þar sem hvorugu liði tókst að skora þrátt fyrir mörg tækifæri. Í heildina áttu liðin rúmlega 30 marktilraunir í leiknum.

Victor er fyrirliði Darmstadt sem endaði í fimmta sæti á síðustu leiktíð, aðeins þremur stigum frá umspilssæti fyrir efstu deild.