Jón Þór: Þessi leikur á eftir að nýtast okkur helling
Mynd: Fótbolti.net - Hafliði Breiðfjörð
Mynd: Fótbolti.net - Hafliði Breiðfjörð
„Mér fannst við byrja vel fyrstu 25 mínúturnar og fáum tvö fyrstu færin í leiknum. Við nýttum ekki þau færi og þegar þú kemur hingað og spilar á móti góðu Blikaliði þá þarftu að nýta þessi færi. Síðan fá þeir á silfurfati fyrsta markið og skora úr aukasyrnu rétt fyrir hálfleik. Við höldum áfram að fá góð færi til að jafna í 2-2. En síðan fannst mér botninn detta úr þessu hjá okkur eftir þriðja markið þeirra. Þá riðlast okkar leikur og Blikarnir nýttu sér það. En Mínir menn héldu áfram og á öðrum degi hefði niðurstaðan getað verið önnur. En það var óþarfi að missa þetta niður í 4-1.“ sagði Jón Þór Hauksson, þjálfari Skagamanna eftir 4-1 tap gegn Breiðablik á Kópavogsvelli í úrlistum Lengjubikarsins.
Skagamenn fengu fín færi í dag til þess að ná í úrslit en Jón Þór telur það að 4-1 gefi ekki rétta mynd af leiknum.
„Fyrir utan þessi færi erum við að skapa okkur fullt af stöðum í fyrri hálfleik þar sem vantaði herslumuninn að breyta þeim í hætttulegi færi og við munum gera það í komandi leikjum. Þessi leikur á eftir að nýtast okkur helling það er engin spurning.“
Núna er rétt rúmlega vika í fyrsta leik Skagamanna í Bestu deildinni og Jón Þór lýst vel á framhaldið.
„Í tveimur síðustu leikjum í Lengjubikarnum hefur verið dálítið rót á liðinu okkar. Núna höfum við 10 daga að þétta liðið aðeins og að koma síðustu púslunum aðeins inn í þetta.“
Jón Þór fékk síðan að sjálfsögðu eina klassíska spurningu á Skagaþjálfarann varðandi Rúnar Má sem er orðaður við ÍA.
„Það er ekkert nýtt í því. Hann er bara að æfa á fullu í sinni endurhæfingu og gengur mjög vel.“
Jón Þór segist vera mjög spenntur fyrir komandi átökum í Bestu deildinni.
„Maður er bara mjög spenntur. Það er stutt í mót og núna þurfum við bara að gera okkur klára.“
Viðtalið má sjá í heild sinni í spilaranum hér að ofan.
