27.07.22 - 08:30
Brynjar Ingi Erluson
Öllu til tjaldað í Róm - Þúsundir stuðningsmanna mættu á kynningu Dybala
Paulo Dybala var hæstánægður með kynninguna
Mynd: EPA
Paulo Dybala var hæstánægður með kynninguna
Mynd: EPA
Argentínski sóknartengiliðurinn Paulo Dybala var kynntur fyrir stuðningsmönnum Roma við Palazzo della Civiltà Italiana í Róm í gærkvöldi en þar var öllu til tjaldað.
Dybala kom til Roma á frjálsri sölu frá Juventus á dögunum en sjálfur Francesco Totti bauð Dybala að taka treyjunúmerið hans, sem var hengt upp í rjáfur eftir að Totti hætti.
Argentínumaðurinn var fremur hógvær og neitaði boðinu, enda aðeins einn kóngur í Róm. Dybala mun spila í treyju númer 21 eins og hann gerði hjá Juventus fyrst um sinn.
Roma kynnti Dybala fyrir stuðningsmönnum í Róm í gær og var þar ákveðið að lýsa upp Colosseo Quadrato-bygginguna fyrir framan átta þúsund stuðningsmenn Roma.
Dybala var hálf klökkur er hann var kynntur en byggingin var lýst upp í rauðum og gulum lit með mynd af leikmanninum. Hægt er að sjá myndband af þessum gjörning hér fyrir neðan.
Argentínumaðurinn var fremur hógvær og neitaði boðinu, enda aðeins einn kóngur í Róm. Dybala mun spila í treyju númer 21 eins og hann gerði hjá Juventus fyrst um sinn.
Roma kynnti Dybala fyrir stuðningsmönnum í Róm í gær og var þar ákveðið að lýsa upp Colosseo Quadrato-bygginguna fyrir framan átta þúsund stuðningsmenn Roma.
Dybala var hálf klökkur er hann var kynntur en byggingin var lýst upp í rauðum og gulum lit með mynd af leikmanninum. Hægt er að sjá myndband af þessum gjörning hér fyrir neðan.
…and this is how AS Roma unveiled Paulo Dybala as new signing tonight, in front of their fans 🟡🔴 #ASRoma@OfficialASRoma 🇦🇷pic.twitter.com/TnEl3l6VDy
— Fabrizio Romano (@FabrizioRomano) July 26, 2022
