Arnar Daði búinn að skrifa undir nýjan samning við Aftureldingu

Markvörðurinn tvítugi Arnar Daði Jóhannesson hefur framlengt samning sinn við Aftureldingu út árið 2028.

„Arnar er uppalinn hjá okkur í Mosfellsbænum og mikil fyrirmynd fyrir unga iðkendur félagsins. Þrátt fyrir ungan aldur hefur Arnar Daði verið hluti af meistaraflokki síðan 2021 og bætt sig jafnt og þétt síðustu ár. Arnar á fjölmarga leiki fyrir yngri landslið Íslands og hefur á þessu ári verið í kringum U21-árs landsliði," segir í tilkynningu Aftureldingar.

„Afturelding fagnar því að hafa framlengt samninginn við þennan sterka markmann og verður gaman að sjá Arnar Daða með liðinu í sumar!"

Afturelding hefur unnið fjóra leiki í röð í Lengjudeildinni og er í öðru sæti.