ÍA hefur kallað Martein Theodórsson til baka úr láni frá Kára en þetta kemur fram á heimasíðu Skagamanna.
Marteinn er fæddur árið 2001 og gekk í raðir Kára á láni frá ÍA fyrir tímabilið.
Undanfarin ár hefur hann glímt við erfið meiðsli og kom sér því aftur af stað með Kára í 3. deildinni.
Hann gerði 3 mörk í 13 leikjum en hefur nú verið kallaður til baka í ÍA.
Marteinn á fimm leiki að baki fyrir ÍA í efstu deild en allir komu þeir árið 2020.
Þessi öflugi leikmaður er kominn með leikheimild og verður því klár fyrir leikinn gegn toppliði Aftureldingar í kvöld.
Athugasemdir
