Fótbolti.net

Alex Þór: „Steven Caulker? - Þetta hefur skautað framhjá manni"

Stjarnan aðeins 26% með boltann - „Að einhverju leyti óborguð yfirvinna"

„Sorglegt að fá á sig fjögur mörk gegn Stjörnuliði sem spilaði ekki betur en raun bar vitni"

Túfa: Að mínu mati besti leikmaður deildarinnar

Sverrir Páll: Við getum stigið upp og skorað mörkin

Láki fann fyrir létti: Vicente breytti leiknum

Magnús Már: Fullt af dómum sem sérfræðingar mega skoða

Bjarni Aðalsteins: Ég hef aldrei spilað svona leik áður

Rúnar Kristins: 12 mínútur í uppbótartíma ég hef aldrei upplifað það áður

Heimir Guðjóns ósáttur með vinnuframlagið

Alli Jói: Úrslitin eftir 90 mínútur ljót

Haddi: Samdi við Rúnar Kristins

Sigurvin Ólafs: Sóknin er sjóðandi heit

Ómar Björn heppinn að fá ekki rautt: Þarf maður ekki lukku í þessu?

Viktor Jóns: Æðislegt að upplifa þetta og finna þetta aftur

Dóri Árna: Sjá það allir sem eru á vellinum nema fjórir menn

Sölvi: Vorum til í slagsmál og með yfirhöndina í návígjum

Davíð Smári: Komust upp með að væla og liggja í grasinu

„Bara frábært" að vera komin aftur í landsliðið

Tilbúin í nýja áskorun - „Verðið bara að bíða eins spennt og ég"

fim 29. maí 2025 12:30

Guðmundur Aðalsteinn Ásgeirsson
Þrándheimi

Tilbúin í nýja áskorun - „Verðið bara að bíða eins spennt og ég"

Guðrún Arnardóttir ræðir hér við Hlín Eiríksdóttur.

Mynd: Fótbolti.net - Hafliði Breiðfjörð

Guðrún hefur verið lykilmaður í sænska meistaraliðinu Rosengård í nokkur ár.

Mynd: Fótbolti.net - Hafliði Breiðfjörð

„Það er gaman að hitta hópinn aftur, svolítið langt síðan við hittumst síðast. Það er gaman að hittast aftur og fara í nýja leiki," sagði Guðrún Arnardóttir, varnarmaður íslenska landsliðsins, við Fótbolta.net í Þrándheimi.

Framundan eru leikir gegn Noregi og Frakklandi í Þjóðadeildinni, en við byrjum gegn Noregi ytra.

„Við komum hingað á mánudaginn og erum búnar að æfa í gær og í dag. Þetta hefur verið góð byrjun," sagði Guðrún en íslenska liðið gerði markalaust jafntefli við Noreg í Laugardalnum fyrir ekki svo löngu síðan.

„Við spiluðum ágætan leik og bjuggum til góð færi þó við höfum ekki náð að skora. Það má búast við því að þær bregðist við þeim hlutum sem við gerðum vel síðast. Við höfum aðeins pælt í því. Það er samt mikið sem við getum tekið með okkur."

Spennandi tilhugsun að fara í stærri deild
Guðrún er leikmaður Rosengård í Svíþjóð en hún hefur leikið þar stórt hlutverk síðan 2021. Það styttist hins vegar í það núna að samningur hennar renni út.

„Það er búið að vera svolítið bras á okkur og ekki gengið eins vel og við hefðum vonað. Það er mikil breyting á liðinu frá því í fyrra og maður vissi ekki að það yrði sama 'record' ár og í fyrra. Við erum að halda áfram að vinna í okkar hlutum, smáatriði sem við þurfum að laga," segir Guðrún en aðspurð út í framtíðina sagði hún:

„Ég er með umboðsmann sem vinnur vinnuna sína. Ég reyni að pæla ekki of mikið í þessu. Ég er með nóg að gera og er ekki með hugann of mikið við þetta."

„Ég er bara að skoða alla möguleika sem eru í boði, hvað býðst og svona. Svo tek ég ákvörðun út frá því sem ég tel henta best. Það er einhver möguleiki að ég verði áfram hjá Rosengård en hann er ekki mjög stór."

Það er spennandi tilhugsun fyrir þennan öfluga miðvörð að taka skrefið í stærri deild.

„Já, algjörlega. Ég hef verið í Svíþjóð í sex ár eða eitthvað. Mér finnst ég tilbúin í nýja áskorun. Hver sem hún verður, það verður að koma í ljós. Þið verðið bara að bíða eins spennt og ég," sagði Guðrún.

Allt viðtalið má sjá í spilaranum hér að ofan.