Berglind í leiknum
Í þann mund sem Berglind rennir boltanum í netið
„Geggjaður sigur, gott að vinna leikinn og fara með þessa sigurtilfinningu á EM," sagði Berglind Björg Þorvalsdóttir við Fótbolta.net eftir sigur Íslands gegn Póllandi í vináttulandsleik í dag.
Lestu um leikinn: Pólland 1 - 3 Ísland
Ísland var undir í leikhléi en þökk sé þremur íslenskum mörkum í seinni hálfleikur vannst íslenskur sigur.
„Mér fannst við samt vera fínar í fyrri hálfleik, við náðum bara ekki að skapa þessi hættulegu færi en það kom í seinni hálfleik og við tókum þrjú stig. Við þurftum aðeins að skerpa á, gera betur og við gerðum það."
Berglind skoraði jöfnunarmark Íslands snemma í seinni hálfleik eftir undirbúning frá Gunnhildi Yrsu Jónsdóttur.
„Það er alltaf gaman að skora og Gunný gerði náttúrulega frábærlega vel þarna." Eftirleikurinn eftir undirbúning Gunnhildar var ekki erfiður, var þetta auðveldasta mark sem þú hefur skorað? „Já kannski, mögulega."
Hvernig hafa þessir síðustu dagar í Póllandi verið og hvernig líst þér á framhaldið í Þýskalandi? „Þeir hafa verið góðir, ótrúlega heitt hérna og við erum svona að venjast því. Þetta er bara búið að vera æðislegt, við erum tilbúnar að fara til Þýskalands, æfa ennþá meira og vera ennþá meira 'ready' fyrir EM," sagði Berglind.
Viðtalið í heild má sjá í spilaranum að ofan
1-1 í Póllandi pic.twitter.com/qmddhFuJYD
— 433.is (@433_is) June 29, 2022
Athugasemdir
