mið 29. júní 2022 10:00
Ívan Guðjón Baldursson
Simons til PSV (Staðfest) - Rauf munnlegt samkomulag við PSG
Mynd: Getty Images

Hinn bráðefnilegi Xavi Simons er búinn að skrifa undir fimm ára samning við hollenska stórveldið PSV Eindhoven.


Hann rauf þar með munnlegt samkomulag sem hann hafði gert við Paris Saint-Germain um að skrifa undir nýjan samning við félagið og fara yfir til PSV á láni.

Simons er 19 ára gamall miðjumaður sem fékk að spreyta sig í níu leikjum með aðalliði PSG á síðustu leiktíð.

Hann á 20 leiki að baki fyrir yngri landslið Hollands eftir að hafa komið upp úr frægri unglingaakademíu Barcelona áður en hann skipti til PSG.

Simons rennur út á samningi hjá PSG og fer því frítt til PSV.


Athugasemdir
banner
banner
banner