Kanye West mun á næstu vikum gefa út nýja plötu sem nefnist DONDA, eftir móður hans sem lést árið 2007.

Hann hélt hlustunarteiti á Mercedes Benz-leikvanginum í Atlanta fyrir viku síðan þar sem hann leyfði gestum að hlusta á nýju plötuna á meðan hann spókaði sig um völlinn.

Platan átti að koma út á helstu streymisveitum síðar um nóttina en það varð þó ekkert af því. Hann hefur unnið dag og nótt að því að klára plötuna og fer svo mikil vinna í það að hann hefur komið sér fyrir á leikvanginum og býr nú þar tímabundið.

Það kom mörgum í opna skjöldu að sjá Kanye á leik í MLS-deildinni fyrir nokkrum dögum síðan en hann mun búa þar alveg fram að útgáfu plötunnar. Platan á að koma út 6. ágúst.

Hvort þetta hafi einhver áhrif á Atlanta-liðið er óvíst en liðið er í 10 . sæti austurdeildarinnar og mun að vísu ekki spila heimaleik næst fyrr en 15. ágúst.