Hver tekur við af Klopp? - Dani Olmo orðaður við Man Utd - Greenwood í skiptum fyrir Gleison Bremer
   þri 30. mars 2021 09:00
Magnús Már Einarsson
RB Leipzig segir Konate ekki á leið til Liverpool
Ibrahima Konate
Ibrahima Konate
Mynd: Getty Images
Markus Krosche, yfirmaður íþróttamála hjá RB Leipzig, hefur blásið á fréttir þess efnis að miðvörðurinn Ibrahima Konate sé á leið til Liverpool í sumar.

The Athletic sagði frá því í gær að Liverpool sé langt komið með að ganga frá kaupum á Konate en Krosche neitar þessu.

„Ég held að þetta sé ekki möguleiki fyrir Ibu. Hann er með langan samning við okkur og hann veit hvað við erum fyrir hann og hvað hann er fyrir okkur," sagði Krosche.

„Hann var óheppinn í fyrra því hann lenti í langtíma meiðslum en á þessu ári hefur hann vaxið vel og hann er mjög mikilvægur leikmaður sem er með mikið af hæfileikum."

„Við viljum láta hann vaxa ennþá meira, við spilum í Evrópukeppni og erum með mjög gott lið svo ég sé ekki ástæðu fyrir hann til að fara."

Athugasemdir
banner
banner
banner