fim 30. júní 2022 21:30
Ívan Guðjón Baldursson
Vitinha kominn til PSG (Staðfest)
Vitinha með U21 landsliði Portúgal.
Vitinha með U21 landsliði Portúgal.
Mynd: EPA

Franska stórveldið Paris Saint-Germain er búið að staðfesta komu portúgalska miðjumannsins Vitinha.


PSG bauð 40 milljónir evra fyrir Vitinha og virkjaði þannig söluákvæði í samningi hans við Porto.

Vitinha er 22 ára miðjumaður og landsliðsmaður Portúgal þar sem hann á þrjá leiki að baki fyrir A-liðið eftir að hafa verið algjör lykilmaður í yngri landsliðunum.

Hjá PSG mun Vitinha berjast við menn á borð við Leandro Paredes og Ander Herrera um byrjunarliðssæti og gæti myndað afar öflugt miðjupar ásamt Ítalanum Marco Verratti.


Athugasemdir
banner
banner
banner
banner