Þriðja umferð enska úrvalsdeildin var í heild sinni spiluð um helgina og kláraðist í gær með þremur leikjum.
Tottenham er eina liðið sem er með fullt hús stiga en á botninum eru erkifjendur þeirra í Arsenal án stiga. Arsenal tapaði 5-0 gegn Manchester City á laugardag, en Tottenham vann svo 1-0 sigur á Watford í gær.
Manchester United lagði Úlfana einnig í gær, og Burnley gerði jafntefli við Leeds.
Brentford er enn taplaust eftir jafntefli við Aston Villa, Newcastle gerði jafntefli við Southampton og West Ham og Crystal Palace skildu jöfn. Everton lagði Brighton, Leicester gekk frá Norwich og í stórleik helgarinnar var jafntefli niðurstðan er Chelsea fór í heimsókn til Liverpool.
Garth Crooks, sérfræðingur BBC, er búinn að velja úrvalslið vikunnar í ensku úrvalsdeildinni.
Miðjumaður: Ilkay Gundogan (Man City) - Stórkostlegur á síðustu leiktíð og byrjar þetta tímabil vel.
Sóknarmaður: Gabriel Jesus (Man City) - Með mark og stoðsendingu í stórsigri. Er að vinna í því að sannfæra Guardiola um að hann sé maðurinn til að leiða sóknarlínu City.
Athugasemdir