Hver tekur við af Klopp? - Dani Olmo orðaður við Man Utd - Greenwood í skiptum fyrir Gleison Bremer
   fös 30. október 2020 17:00
Sæbjörn Þór Þórbergsson Steinke
Myndband: Aron Einar skoraði er Al Arabi komst í úrslit Emir-bikarsins
Mynd: Qatar Football - Twitter
Al Markhiya 0 - 2 Al Arabi
0-1 Aron Einar Gunnarsson
0-2 Abdulaziz Al-Ansari

Al Arabi er kominn í úrslitaleik Emir-bikarsins í Katar eftir sigur á Al Markhiya í dag. Um er að ræða stærstu bikarkeppni landsins. Heimir Hallgrímsson er þjálfari Al Arabi og Aron Einar Gunnarsson er leikmaður liðsins.

Freyr Alexandersson var í starfsliði Al Arabi í leiknum en hann er að taka við starfi aðstoðarþjálfara liðsins.

Aron Einar var á skotskónum í dag, hann skoraði fyrra mark Al Arabi í 0-2 sigri. Abdulaziz Al-Ansari skoraði seinna mark Al Arabi. Mörkin má sjá hér að neðan.

Þetta var fyrri undanúrslitaviðureignin því á morgun mætast Al Duhail og Al Sadd í hinni viðureigninni.

Fyrir þremur vikum var Al Arabi í bikarúrslitum QSL bikarsins og því er þetta annar bikarúrslitaleikurinn sem liðið kemst í á stuttum tíma. 23 ár eru síðan Al Arabi vann síðast stóran bikar.



Athugasemdir
banner
banner
banner
banner