Æfingaleikur: Liam Daði Jeffs skoraði í sigri gegn Haukum

Þróttur og Haukar áttust við í æfingaleik í Laugardalnum síðastliðinn laugardag og tóku gestirnir úr Hafnarfirði forystuna snemma leiks.

Heimamenn svöruðu þó fyrir sig og snéru stöðunni við með mörkum frá Ernest Slupski og Hinriki Harðarsyni.

Í síðari hálfleik bætti hinn 16 ára gamli Liam Daði Jeffs, sonur Ian Jeffs aðalþjálfara meistaraflokks, þriðja markinu við og urðu lokatölur 3-1.

Ian Jeffs tók við Þrótti fyrir síðustu leiktíð og fór með liðið beint aftur upp í Lengjudeildina í fyrra.