Byrjunarlið ÍBV og Keflavíkur: Serbarnir farnir? - Alpha Conteh ekki með

Aleksandar Linta, þjálfari ÍBV, gerir þrjár breytingar frá jafnteflisleiknum gegn ÍA. Halldór Jón Sigurður, Bjarki Björn og Arnór Ingi koma inn í liðið. Felix Örn Friðriksson er ekki með en þeir Liam Daði Jeffs og Vicente Valor taka sér sæti á bekknum. Omar Sowe er mættur á bekkinn eftir um árs fjarveru, en Serbarnir Milan Jezdimirovic og Filip Stuparevic eru aftur utan hóps hjá Eyjamönnum. Marcel Zapytowski, sem var varmarkvörður í síðasta leik, tekur út leikbann eftir að hafa fengið rautt á bekknum í síðasta leik.

Haraldur Freyr Guðmundsson, þjálfari Keflavíkur, gerir eina breytingu frá sigurleiknum gegn Þór í síðustu umferð. Alpha Conteh er ekki í hóp og Dagur Ingi Valsson byrjar í hans stað. Anton Kralj er ekki í leikmannahópnum en á bekkinn er kominn Edon Osmani.