Byrjunarlið Þórs og Stjörnunnar: Affi á bekknum en enginn Andri Rúnar

Sigurður Heiðar Höskuldsson, þjálfari Þórs, gerir tvær breytingar á liði sínu frá tapinu gegn Keflavík í síðsutu umferð. Fannar Daði Malmquist og Aron Ingi Magnússon koma inn fyrir þá Elvar Baldvinsson og Sigfús Fannar Gunnarsson sem taka sér sæti á bekknum. Yann Emmanuel Affi snýr þá aftur í hópinn og tekur sér sæti á bekknum. Markvörðurinn efnilegi, Lucas Vieira Thomas (2009), er á varamannabekknum hjá Þór í stað Franko Lalic sem er skráður í liðsstjórn í dag.

Jökull Elísabetarson, þjálfari Stjörnunnar, gerir tvær breytingar frá tapinu gegn Víkingi í síðasta leik. Örvar Logi Örvarsson og Emil Atlason koma inn í byrjunarliðið fyrir þá Hauk Brink og Andra Rúnar Bjarnason. Andri Rúnar er ekki með í dag en Haukur tekur sér sæti á bekknum. Bjarki Hauksson snýr þá aftur í hópinn eftir leikbann.