Thomas Tuchel, stjóri Chelsea, hefur útskýrt af hverju Ben Chilwell hefur ekki spilað keppnisleik fyrir liðið á leiktíðinni.
Chilwell var með enska landsliðinu á EM í sumar en fékk ekkert að spila er liðið komst í undanúrslit.
Marcos Alonso hefur leikið fyrstu leiki Chelsea í vinstri bakverði og er Tuchel með augljósa útskýringu á því.
„Með Ben Chilwell þá er þetta mjög einfalt. Hann kom til baka með síðustu leikmönnum Englands," sagði Tuchel.
„Þegar hann kom þá hafði Marcos Alonso tekið þátt í fimm vikum á undirbúningstímabilinu. Hann spilaði fyrsta keppnisleikinn eftir frábæran undirbúning."
„Hann var einfaldlega meira tilbúinn líkamlega sem er eðlilegt."
Athugasemdir