Málið snýr að TikTok myndbandi sem hann gerði og setti í dreifingu síðasta sumar.

Mudryk setti inn myndband þar sem hann fer með textann í rapplagi sem Lil Baby söng fyrst. Í laginu má finna textabrot sem hægt er að túlka sem kynþáttafordóma.

Umboðsmaður Mudryk ræddi við The Sun um málið og sagði: „Mykhailo biðst innilegrar afsökunar ef einhver móðgaðist á myndbandinu."

„Hann ætlaði sér bara að herma eftir texta í lagi. Hann sér eftir þessari ákvörðun og veit að þetta er ekki viðeigandi."

Mudryk gekk í raðir Chelsea frá Shakhtar Donetsk í janúarglugganum. Það verður að koma í ljós hvort enska fótboltasambandið muni refsa honum fyrir myndbandið, en það skal tekið fram að hann var ekki leikmaður Chelsea þegar hann gerði það.