Þór Akureyri vann sinn annan sigur í A-deild Lengjubikarsins í dag. Þór tók á mótti Þrótti Reykjavík fyrir norðan í Boganum.

Alvaro Montejo verður áfram hjá Þór í sumar og hann skoraði fyrsta mark leiksins úr vítasyrnu á 11. mínútu. Montejo var aftur á ferðinni á 26. mínútu og var staðan 2-0 í hálfleik.

Varamaðurinn Róbert Hauksson minnkaði muninn fyrir Þrótt eftir um tíu mínútur í síðari hálfleik, en lengra komust gestirnir ekki. Í uppbótartímanum innsiglaði reynsluboltinn Sveinn Elías Jónsson sigur Þórsara.

Þór er í öðru sæti Riðils 3 með sex stig, Þróttarar eru á botninum án stiga eftir þrjá leiki.