Tveir leikmenn eru sterklega orðaðir við FH.
Það eru fimm dagar í að Besta deildin byrji og hér má sjá nokkrar sögur sem eru í gangi um möguleg félagaskipti fyrir gluggalok.
Þá eru einnig nokkrir slúðurmolar sem farið hafa milli manna.
Fyrrum landsliðsmaðurinn Rúnar Már Sigurjónsson hefur verið orðaður við ÍA frá því í desember. Rúnar fór í aðgerð í janúar og er að koma til baka. Eina sem er eftir er að tilkynna komu hans til félagsins.
Breki Ómarsson æfði með HK í vetur. Spilar hann í Kórnum í sumar?
Breki Baxter er sterklega orðaður við Stjörnuna.
FH er að kaupa Ísak Óla Ólafsson frá danska félaginu Esbjerg. Miðvörðurinn verður 23 ára í sumar og á hann að baki tvo A-landsleiki.
Guðjón Pétur Lýðsson virðist einnig vera á leið í FH. Hann skoraði í æfingaleik í síðustu viku.
Gary Martin hefur lauslega verið orðaður við HK.
Bjarni Mark Duffield er leikmaður Start í Norgi og var á laugardag orðaður við Val. Það er ekki í fyrsta sinn í vetur sem hann hefur verið orðaður við Val. Bjarni getur bæði spilað sem miðvörður og á miðjunni.
Ísak Snær Þorvaldsson, leikmaður Rosenborg og besti leikmaður Bestu deildarinnar 2022, var orðaður við mögulega heimkomu í Þungavigtinni á dögunum.
Það styrkir ekki stöðu Orra Hrafns Kjartanssonar í leikmannahópi Vals að Bjarni Mark sé á leiðinni. Það þykir ansi líklegt að einhver sé á útleið hjá Val og er Orri Hrafn líklegur. Orri Sigurður Ómarsson hefur spilað lítið í vetur og gæti einnig verið á útleið. Bjarni Guðjón Brynjólfsson gæti verið lánaður í annað félag.
Athugasemdir
