Heimild: Daily Mail
Kieran Trippier, bakvörður spænska úrvalsdeildarfélagsins Atletico Madrid, gæti átt yfir höfði sér bann fyrir brot á veðmálareglum enska knattspyrnusambandsins. Trippier neitar sök í málinu.
Knattspyrnusambands Englands er búið að ákæra hann, en hann hefur þangað til 18. maí til að svara ákærunni.
Knattspyrnusambands Englands er búið að ákæra hann, en hann hefur þangað til 18. maí til að svara ákærunni.
Þar sem hinn 29 ára gamli Trippier spilar núna á Spáni þá þarf enska knattspyrnusambandið að fara í gegnum FIFA ef hann Trippier á að fara í bann frá knattspyrnu. Trippier fór frá Tottenham til Atletico Madrid síðasta sumar.
Hann er sagður hafa brotið sömu tvær reglur og sóknarmaðurinn Daniel Sturridge sem var dæmdur í fjögurra mánaða bann frá fótbolta í mars.
Í janúar 2018 var Sturridge á förum frá Liverpool á láni og hann hjálpaði vinum og ættingjum sínum með veðmál tengd félagaskiptunum.
Fótboltamönnum- og konum á Englandi er bannað að veðja á fótboltatengda hluti.
Athugasemdir