Bordalas tekinn við Getafe á ný (Staðfest)

Bordalas gerði frábæra huti við stjórnvölinn hjá Getafe frá 2016 til 2021 og var meðal annars orðaður við stjórastarfið hjá Tottenham áður en hann var ráðinn til Valencia.

Hann stýrði Valencia tímabilið 2021-22 og kom liðinu í úrslitaleik spænska Konungsbikarsins. Valencia endaði í níunda sæti spænsku deildarinnar með 48 stig en Bordalas var rekinn eftir tímabilið, nokkrum dögum eftir að forseti félagsins Anil Murthy var rekinn úr starfi.

Bordalas, sem hefur meðal annars stýrt Alaves og Elche á þjálfaraferlinum en einnig Benidorm og Alicante, á erfitt verk fyrir höndum sér. Hann tekur við Getafe þar sem liðið er í fallsæti spænsku deildarinnar, þó aðeins tveimur stigum frá öruggu sæti með sjö leiki eftir óspilaða.

Hans fyrsti leikur við stjórnvölinn var fallbaráttuslagur gegn Espanyol í gær, sem tapaðist 1-0.